Mae'r rhaglen 'Trailblazer' gwerth £10 miliwn yn parhau i ddarparu cymorth cyflogaeth wedi'i deilwra, gyda chadarnhad o gyllid yn yr ail flwyddyn.
Bydd pobl yng Nghymru yn parhau i elwa o gymorth cyflogaeth arloesol wrth i Weinidogion Cymru a Llywodraeth y DU ymweld â Glynebwy heddiw [dydd Iau 18 Medi] i nodi lansiad ail ardal Trailblazer Cymru a chadarnhau cyllid ar gyfer ail flwyddyn y cynllun.
Mae'r rhaglen Trailblazer, a ariennir gan Lywodraeth y DU, yn targedu pobl economaidd anweithgar o oedran gweithio sy'n anabl a/neu sydd â chyflyrau iechyd, neu gyfrifoldebau gofalu trwy ddarparu ymyriadau wedi'u teilwra gan gynnwys mentora un-i-un, gwasanaethau cwnsela, darpariaeth lles, a chymorth arbenigol i'r rhai sydd â chyflyrau iechyd.
Daw ymweliad Gweinidog Sgiliau Llywodraeth Cymru, Jack Sargeant, ac Is-ysgrifennydd Seneddol Gwladol Swyddfa Cymru Llywodraeth y DU, Anna McMorrin, dri mis ar ôl lansiad llwyddiannus rhaglen Trailblazer cyntaf Cymru yn Sir Ddinbych.
Yn ystod y digwyddiad arddangos yn Institiwt Glynebwy, gwelodd y Gweinidogion y cymorth lleol wedi’i dargedu sy'n cael ei ddarparu ym Mlaenau Gwent. Cawsant gyfarfod cyfranogwyr sy'n elwa o'r prosiect Chwalu Rhwystrau sy'n gweithio gyda chymuned y teithwyr, prosiect Ceidwaid °¬²æAƬ sy'n darparu hyfforddiant sgiliau gwyrdd, a mentrau iechyd a lles a gyflwynir mewn partneriaeth â Bwrdd Iechyd Aneurin Bevan.
Mae'r rhaglen Trailblazer yng Nghymru yn cwmpasu tair ardal - °¬²æAƬ, Sir Ddinbych, a Chastell-nedd Port Talbot - gan ganiatáu i arweinwyr lleol ddylunio cynlluniau cymorth cyflogaeth wedi'u teilwra i heriau unigryw eu cymuned. Mae hyn yn cynrychioli newid sylweddol o'r un dull cyffredinol blaenorol o gymorth cyflogaeth.
Mae'r cynllun buddsoddi gwerth £10 miliwn yn rhan o fenter Get Britain Working Llywodraeth y DU, sy'n targedu'r ardaloedd gyda'r lefelau uchaf o anweithgarwch economaidd.
Cafwyd cadarnhad hefyd o gyllid ar gyfer ail flwyddyn y rhaglen, gyda hyd at £10miliwn wedi'i gymeradwyo ar gyfer 2026 - 2027.
Dywedodd y Gweinidog Diwylliant a Sgiliau, Jack Sargeant:
"Mae'r cynllun arloesol hwn yn dangos sut rydym yn creu gwasanaethau gwirioneddol integredig sy'n cydnabod bod gwaith da yn sylfaenol i les, trwy weithio'n agos gyda phartneriaid cymunedol lleol, gan gynnwys byrddau iechyd. Mae'n ddull yr ydym yn gwybod ei fod yn gweithio, ac mae'n adeiladu ar lwyddiant ein Gwarant i Bobl Ifanc sydd eisoes yn darparu cymorth i bobl ifanc ennill sgiliau neu ddod o hyd i waith.
"Mae ehangu'r rhaglen arloesol hon heddiw ym Mlaenau Gwent yn dangos maint ein gallu drwy weithio ar y cyd â Llywodraeth y DU.
"Mae cadarnhau cyllid ar gyfer yr ail flwyddyn yn ein galluogi i adeiladu ar y llwyddiant cynnar rydyn ni wedi'i weld a pharhau i ddatblygu'r dull arloesol, lleol ymatebol hwn o gefnogi pobl yn ôl i waith."
Dywedodd yr Is-ysgrifennydd Seneddol (Swyddfa Cymru), Anna McMorrin:
"Mae Llywodraeth y DU eisiau helpu cymaint o bobl â phosibl i gael gwaith. Rydym yn gwybod bod gwaith yn gwneud bywydau pobl yn well, yn rhoi annibyniaeth ariannol iddynt ac yn gwella eu lles.
"Mae'r cynllun arloesol hwn yn darparu cymorth ychwanegol i'r rhai sydd ei angen, ac rwy'n falch iawn o'i weld yn cael ei gyflwyno ym Mlaenau Gwent."
Dywedodd y Cynghorydd John Morgan, Aelod Cabinet dros yr Economi a Lleoedd yng Nghyngor °¬²æAƬ:
"Roedd yn bleser croesawu cynrychiolwyr o Lywodraethau'r DU a Chymru i Lynebwy i arddangos ein prosiectau arloesol Trailblazer, sy'n cefnogi pobl sydd â rhwystrau i gael gwaith drwy ddatrysiadau beiddgar, sy’n cael eu sbarduno yn lleol.
"Fel Cyngor Marmot, rydym wedi ymrwymo i fynd i'r afael ag anghydraddoldebau a helpu pobl i gymryd rheolaeth o'u bywydau trwy hyrwyddo cyflogaeth deg ac adeiladu cymunedau iachach, mwy cynaliadwy. Mae Trailblazers yn ymwneud â mwy na swyddi yn unig - mae'n golygu ailadeiladu hyder, gwella lles, a darparu'r sgiliau a'r gefnogaeth sydd eu hangen ar bobl i ffynnu."
Mae prosiectau Trailblazers Cymru yn rhan o ddiwygiadau ehangach Get Britain Working gwerth £240 miliwn Llywodraeth y DU, sy'n cynnwys trawsnewid canolfannau gwaith, gwarantu cyfle i bobl ifanc ennill neu ddysgu, a darparu cymorth iechyd meddwl i helpu pobl i ddechrau ac aros mewn gwaith.
